တက္ကသိုလ်၏နောက်ခံသမိုင်း

၁။      သမဝါယမတက္ကသိုလ်(သန်လျင်)သည် ရန်ကုန်တောင်ပိုင်းခရိုင်၊ ရန်ကုန်မြို့ အရှေ့တောင်ဘက် (၈)မိုင်ခန့်အကွာရှိ သန်လျင်မြို့ကျိုက်ခေါက်ဘုရားလမ်းမကြီး၏ အရှေ့ဘက်၊ရန်ကုန်သီလဝါမီးရထားလမ်း ရှေ့ဘက်နှင့်ရန်ကုန်အရှေ့ပိုင်းတက္ကသိုလ်၏အနောက်ဘက် ညောင်သုံးပင်ရွာတွင်တည်ရှိပြီး၊ သမဝါယမတက္ကသိုလ်ပိုင် မြေဧရိယာ စုစုပေါင်းမှာ (၂၀၈.၂၀၉)ဧက ရှိပါသည်။

၂။       ၁၉၇၀ခုနှစ်တွင်ရန်ကုန်တိုင်း သမဝါယမသင်တန်းကျောင်းကိုမရမ်းကုန်းမြို့နယ်၊ချော်တွင်းကုန်းတွင်စတင်ဖွင့်လှစ်ခဲ့ပြီးနောက်၊ရန်ကုန်တိုင်းသန်လျင်မြို့ ကျိုက်ခေါက်ဘုရားလမ်းသို့ပြောင်းရွှေ့ဖွင့်လှစ်ခဲ့ပါသည်။လှည်းကူးမြို့နယ်၊ဖောင်ကြီးဗဟိုသမဝါယမသင်တန်းကျောင်းတည်နေရာတွင် ရန်ကုန်တိုင်း သမဝါယမသင်တန်းကျောင်းနှင့် ပဲခူးတိုင်းသမဝါယမသင်တန်းကျောင်း(၂)ကျောင်းအား စုပေါင်းဖွင့်လှစ်ခဲ့ပါသည်။

၃။      ပြည်ထောင်စုမြန်မာနိုင်ငံတော်အစိုးရအဖွဲ့မှ ရန်ကုန်တိုင်းသမဝါယမသင်တန်းကျောင်းကို ရန်ကုန်သမဝါယမဒေသကောလိပ်အဆင့်သို့ ပြည်ထောင်စုမြန်မာနိုင်ငံတော်အစိုးရအဖွဲ့၏ (၁၉-၅-၁၉၉၄)ရက်စွဲပါ အမိန့်ကြော်ငြာစာအမှတ်(၁၀/၉၄)အရ (၂၁-၆-၁၉၉၄)ရက်နေ့တွင် တိုးမြှင့်ဖွင့်လှစ်ခဲ့ပါသည်။

၄။      ပြည်ထောင်စုမြန်မာနိုင်ငံတော် အစိုးရအဖွဲ့၏ ၁၉၉၆ခုနှစ် နို၀င်ဘာလ (၁၁)ရက်စွဲပါ အမိန့်ကြော်ငြာစာအမှတ် (၁၇/၉၆)ဖြင့်ရန်ကုန်သမဝါယမဒေသကောလိပ်အား ရန်ကုန်သမဝါယမဒီဂရီကောလိပ်အဖြစ်အဆင့်တိုးမြှင့်ဖွင့်လှစ်ခဲ့ပါသည်။ရန်ကုန်တက္ကသိုလ်နှင့် ပေါင်းစည်းဆက်သွယ်ပြီး ဘွဲ့ကြို(၃)နှစ်သင်တန်းဖွင့်လှစ်၍ ဝိဇ္ဇာဘွဲ့ စီးပွားရေးသိပ္ပံ B.A(Business Science) ဘွဲ့ဒီဂရီကို ၂၀၀၉-၂၀၁၀ ပညာသင်နှစ်အထိ ပေးအပ်ခဲ့ပြီး
၂၀၁၀-၂၀၁၁ပညာသင်နှစ်မှစ၍ စီးပွားရေးသိပ္ပံဘွဲ့ (B.BSc)ဘွဲ့ဒီဂရီကို ပြောင်းလဲပေးအပ်ခဲ့ပါသည်။

၅။      ၂၀၁၂ခုနှစ်၊ မေလ(၃၁)ရက်နေ့တွင် ကျင်းပပြုလုပ်သည့် ပြည်ထောင်စုသမ္မတ မြန်မာနိုင်ငံတော်အစိုးရအဖွဲ့ အစည်းအဝေးအမှတ်စဉ် (၂၀/၂၀၁၂) သဘောတူ ခွင့်ပြုချက်အရ ၀န်ကြီးရုံး၏ (၂၁-၆-၂၀၁၂)ရက်စွဲပါ အမိန့်ကြော်ငြာစာအမှတ် (၂၉/၂၀၁၂)ဖြင့်သမဝါယမ၀န်ကြီးဌာန၊ သမဝါယမဦးစီးဌာနအောက်ရှိ ရန်ကုန်သမဝါယမဒီဂရီကောလိပ်အား သမဝါယမတက္ကသိုလ်(သန်လျင်)အဖြစ်အဆင့်တိုးမြှင့်ခဲ့ပါသည်။တက္ကသိုလ်အဖြစ် အဆင့်တိုးမြှင့်ပြီးနောက် ၂၀၁၄-၂၀၁၅ ပညာသင်နှစ်မှစ၍ စီးပွားရေးသိပ္ပံဘွဲ့အားစာရင်းကိုင်ပညာနှင့် ဘဏ္ဍာရေးပညာ၊ အသုံးချစာရင်းအင်းပညာ၊ ဈေးကွက်ဖော်ဆောင်ရေး စီမံခန့်ခွဲမှုပညာ၊ ဒေသဆိုင်ရာဖွံ့ဖြိုးမှုပညာနှင့် လူမှုစီးပွားရေးလုပ်ငန်း စီမံခန့်ခွဲမှုပညာစသည့် အထူးပြုဘာသာရပ်(၅)ခုဖြင့် သင်ကြားခဲ့ပြီး အထူးပြုဘာသာရပ်အလိုက်ဘွဲ့များကို ၂၀၁၇-၂၀၁၈ ပညာသင်နှစ်အကုန် ၂၀၁၈ခုနှစ်၊ နိုဝင်ဘာလမှ စတင်၍ အပ်နှင်းချီးမြှင့်လျက်ရှိပါသည်။ အထူးပြုဘာသာရပ်အလိုက် ဘွဲ့လွန်ဒီပလိုမာသင်တန်းများကို ၂၀၁၄-၂၀၁၅ ပညာသင်နှစ်မှ စတင်သင်ကြားခဲ့ပြီး ဘွဲ့လွန်ဒီပလိုမာများ ပေးအပ်လျက်ရှိပါသည်။ အထူးပြုဘာသာရပ်အလိုက် မဟာဘွဲ့သင်တန်းများကို  ၂၀၁၅-၂၀၁၆ ပညာသင်နှစ်မှ စတင်သင်ကြားခဲ့ပြီး ၂၀၁၇-၂၀၁၈ ပညာသင်နှစ်မှ စ၍ မဟာဘွဲ့များ အပ်နှင်းချီးမြှင့်လျက်ရှိပါသည်။

မျှော်မှန်းချက်

          အမျိုးသားရေးစိတ်ဓာတ်နှင့် လူမှုရေးစိတ်ဓာတ် အခြေခံရှိပြီး အရည်အချင်း ပြည့်ဝသော လူမှုစီးပွားရေး ပညာတတ် လူ့စွမ်းအား အရင်းအမြစ်များကို မွေးထုတ်ပေးနိုင်သည့် လူမှုအဖွဲ့အစည်း ဖွံ့ဖြိုးတိုးတက်ရေး အထောက်အကူပြု တက္ကသိုလ် ဖြစ်လာစေရန်။

ရည်မှန်းချက်

လူမှုစီးပွား ဖွံ့ဖြိုးတိုးတက်မှုအတွက် လိုအပ်သော လူ့စွမ်းအား အရင်းအမြစ်များကို လေ့ကျင့်ပြုစု ပျိုးထောင်ပေးရန်။
တွေးခေါ်ကြံဆ ဝေဖန်ပိုင်းခြားနိုင်သော အသိဉာဏ်ရှိသည့် နိုင်ငံ့သားကောင်းများ ဖြစ်ထွန်းရေးကို ဦးတည်လေ့ကျင့်ပေးရန်။
သုတေသနလုပ်ငန်းများ စဉ်ဆက်မပြတ်ဆောင်ရွက်ရန်။

လုပ်ငန်းတာဝန်များ

နိုင်ငံတော်ဖွံ့ဖြိုးတိုးတက်ရေးနှင့် ဒေသဖွံ့ဖြိုးတိုးတက်ရေးအတွက် လိုအပ်သော အကျင့်စာရိတ္တနှင့် ပေါင်းသင်းဆက်ဆံရေး ကောင်းမွန်သည့် ပညာတတ်လူငယ်များ မွေးထုတ်ပေးရန်။
အရည်အသွေးအာမခံချက်ရှိသော သင်ကြားမှု၊ သင်ယူမှုနှင့် သုတေသနဆိုင်ရာ ပတ်ဝန်းကျင် စဉ်ဆက်မပြတ်ရှိစေရန်။
မျိုးဆက်သစ်လူငယ်များကို အရည်အသွေးပြည့်ဝသော စွန့်ဦးတီထွင်သူများ ဖြစ်လာ စေရေး လေ့ကျင့်ပျိုးထောင်ပေးရန်။
သမဝါယမလုပ်ငန်းများ ဖွံ့ဖြိုးတိုးတက်ရေးအတွက် ပညာရပ်ဆိုင်ရာ အထောက်အကူ ပြု ဆောင်ရွက်ပေးရန်။
တက္ကသိုလ်ဆရာ၊ဆရာမများ အရည်အသွေးမြှင့်တင်ရေး ဆောင်ရွက်ရန်။
ဘွဲ့ရလူငယ်များအတွက် အလုပ်အကိုင်အခွင့်အလမ်းများ ရရှိအောင် ဆောင်ရွက်ရန်။

ဆောင်ပုဒ်

          " ယနေ့ သမဝါယမလူငယ်များသည် အနာဂတ်၏ ခေါင်းဆောင်များ ဖြစ်ရမည်"

ပေးအပ်သည့်ဘွဲ့များ

-        ၂၀၀၀-၂၀၀၁ ပညာသင်နှစ်မှ ၂၀၀၉-၂၀၁၀ ပညာသင်နှစ်အထိ ဒီဂရီကောလိပ် အဆင့်တွင် ရန်ကုန်တက္ကသိုလ်မှ ဝိဇ္ဇာဘွဲ့(စီးပွားရေးသိပ္ပံ) B.A(Business Science)ဘွဲ့ ချီးမြှင့်ခဲ့ပါသည်။

-        ၂၀၁၀-၂၀၁၁ ပညာသင်နှစ်မှ ၂၀၁၄-၂၀၁၅ ပညာသင်နှစ်အထိ စီးပွားရေးသိပ္ပံဘွဲ့ B.BSc Bachelor of Business Science ဘွဲ့ ချီးမြှင့်ခဲ့ပါသည်။

-        ၂၀၁၄-၂၀၁၅ပညာသင်နှစ်မှစ၍ အထူးပြုဘာသာရပ်အလိုက် သင်ကြားလျက်ရှိသည့် ဘွဲ့ကြိုသင်တန်းများ-         

          (က)    B.BSc (Social Enterprises Management)

                    စီးပွားရေးသိပ္ပံဘွဲ့(လူမှုစီးပွားရေးလုပ်ငန်း စီမံခန့်ခွဲမှုပညာ)

          (ခ)     B.BSc (Regional Development)

                   စီးပွားရေးသိပ္ပံဘွဲ့ (ဒေသဆိုင်ရာဖွံ့ဖြိုးမှုပညာ)

          (ဂ)     B.BSc (Accounting & Finance)

                   စီးပွားရေးသိပ္ပံဘွဲ့ (စာရင်းကိုင်နှင့် ဘဏ္ဍာရေးပညာ)

          (ဃ)    B.BSc (Marketing Management)

                   စီးပွားရေးသိပ္ပံဘွဲ့ (ဈေးကွက်ဖော်ဆောင်ရေး စီမံခန့်ခွဲမှုပညာ)

          (င)     B.BSc (Applied Statistics)

                   စီးပွားရေးသိပ္ပံဘွဲ့ (အသုံးချစာရင်းအင်းပညာ)

သင်တန်းကာလ - ၄ နှစ်

-        ၂၀၁၅-၂၀၁၆ ပညာသင်နှစ်မှစ၍ အထူးပြုဘာသာရပ်အလိုက် သင်ကြားလျက်ရှိသည့်ဘွဲ့လွန်ဒီပလိုမာသင်တန်းများ-

          (က)    Post Graduate Diploma in Social Enterprises Management

                   လူမှုစီးပွားရေးလုပ်ငန်း စီမံခန့်ခွဲမှုပညာ ဘွဲ့လွန်ဒီပလိုမာ

          (ခ)     Post Graduate Diploma in Regional Development

                   ဒေသဆိုင်ရာဖွံ့ဖြိုးမှုပညာ ဘွဲ့လွန်ဒီပလိုမာ

          (ဂ)     Post Graduate Diploma in Accounting & Finance

                   စာရင်းကိုင်နှင့် ဘဏ္ဍာရေးပညာ ဘွဲ့လွန်ဒီပလိုမာ

          (ဃ)    Post Graduate Diploma in Marketing Management

                   ဈေးကွက်ဖော်ဆောင်ရေး စီမံခန့်ခွဲမှုပညာ ဘွဲ့လွန်ဒီပလိုမာ

          (င)     Post Graduate Diploma in Applied Statistics

                   အသုံးချစာရင်းအင်းပညာ ဘွဲ့လွန်ဒီပလိုမာ

သင်တန်းကာလ - ၁နှစ်

-        ၂၀၁၅-၂၀၁၆ ပညာသင်နှစ်မှစ၍ အထူးပြုဘာသာရပ်အလိုက် သင်ကြားလျက်ရှိသည့်မဟာဘွဲ့သင်တန်းများ-

          (က)    Master of Social Enterprises Management

                   လူမှုစီးပွားရေးလုပ်ငန်း စီမံခန့်ခွဲမှုပညာ မဟာဘွဲ့

          (ခ)     Master of Regional Development

                   ဒေသဆိုင်ရာဖွံ့ဖြိုးမှုပညာ မဟာဘွဲ့

          (ဂ)     Master of Accounting & Finance

                   စာရင်းကိုင်နှင့် ဘဏ္ဍာရေးပညာ မဟာဘွဲ့

          (ဃ)    Master of Marketing Management

                   ဈေးကွက်ဖော်ဆောင်ရေး စီမံခန့်ခွဲမှုပညာမဟာဘွဲ့

          (င)     Master of Applied Statistics

                   အသုံးချစာရင်းအင်းပညာမဟာဘွဲ့

သင်တန်းကာလ -၂ နှစ်

သုတေသနလုပ်ငန်းများဆောင်ရွက်ထားရှိမှုအခြေအနေ

        သမဝါယမတက္ကသိုလ်(သန်လျင်)တွင် သုတေသနလုပ်ငန်းများ စဉ်ဆက်မပြတ် ဆောင်ရွက်လျက်ရှိပြီး  သုတေသနတွေ့ရှိချက်များကိုလက်တွေ့အသုံးချနိုင်ရန်အတွက် ကြိုးစားဆောင်ရွက်လျက်ရှိရာ တက္ကသိုလ် သင်ကြားရေးဌာန (၁၁) ခုမှ မိမိတို့၏ သက်ဆိုင်ရာဘာသာရပ်အလိုက် ရေးသားတင်သွင်းထားသည့် လူမှုအဖွဲ့အစည်းအကျိုးပြုနှင့် ဘာသာရပ်အကျိုးပြု သုတေသနဂျာနယ်များမှာ-

၂၀၁၃ခုနှစ် ဒီဇင်ဘာလ၌ သုတေသနစာတမ်း(၁၄)စောင် ပါဝင်သော တက္ကသိုလ်အဆင့် သုတေသနဂျာနယ် Vol.1, No.1
၂၀၁၇  ခုနှစ် ဒီဇင်ဘာလ၌ သုတေသနစာတမ်း(၁၉) စောင် ပါဝင်သည့် တက္ကသိုလ်အဆင့် သုတေသနဂျာနယ် Vol.2, No.1
၂၀၁၈  ခုနှစ် ဒီဇင်ဘာလ၌ သုတေသနစာတမ်း(၁၆) စောင် ပါဝင်သည့် တက္ကသိုလ်အဆင့် သုတေသနဂျာနယ် Vol.3, No.1
၂၀၁၈  ခုနှစ် ဒီဇင်ဘာလ၌ သုတေသနစာတမ်း(၁၃) စောင် ပါဝင်သည့် တက္ကသိုလ်အဆင့် သုတေသနဂျာနယ် Vol.3, No.2
၂၀၂၀  ခုနှစ် ဩဂုတ်လ၌ သုတေသနစာတမ်း(၉) စောင် ပါဝင်သည့် တက္ကသိုလ်အဆင့် သုတေသနဂျာနယ် Vol.4, No.1
၂၀၂၀  ခုနှစ် ဩဂုတ်လ၌ သုတေသနစာတမ်း(၁၀) စောင် ပါဝင်သည့် တက္ကသိုလ်အဆင့် သုတေသနဂျာနယ် Vol.4, No.2

တို့ ဖြစ်ပါသည်။

တက္ကသိုလ်ကိုယ်စားပြု Website

          www.tcu.edu.mm

တက္ကသိုလ်ကိုယ်စားပြု Facebook

          Co-operative University, Thanlyin

တက္ကသိုလ်ကိုယ်စားပြု e-Mail

          Co-operativeUniversity@tcu.edu.mm

Videos

 

 










 
 

On Facebook

Find us on >