Submitted by Anonymous (not verified) on Fri, 04/07/2017 - 15:57
စက်မှုလယ်ယာဦးစီးဌာန
(က) ဌာနပေါ်ပေါက်လာပုံနောက်ခံသမိုင်းကြောင်း
၁၉၅၁ ခုနှစ်တွင် လယ်ယာစိုက်ပျိုးရေးဌာနလက်အောက်၌ စိုက်ပျိုးရေးအင်ဂျင်နီယာဌာနခွဲအားဖွင့်လှစ်၍ စက်မှုထွန်ယက်ရေးလုပ်ငန်းကိုစတင်ဆောင်ရွက်ခဲ့ပါသည်။ ၁၉၆၂ ခုနှစ် တွင် စိုက်ပျိုးရေးအင်ဂျင်နီယာဌာနခွဲအားမြေယာကျေးလက်ကြီးပွားတိုးတက်ရေးကော်ပိုရေးရှင်းလက်အောက်သို့ ပြောင်းရွှေ့ပြီးစက်မှုလယ်ယာဌာနခွဲအဖြစ် ဖွဲ့စည်းခဲ့ပါသည်။ ၁၉၇၂ ခုနှစ်၊ မတ်လ (၁၆) ရက်နေ့တွင် လယ်ယာစိုက်ပျိုးရေးနှင့်သစ်တောဝန်ကြီးဌာနလက်အောက်၌ စက်မှုလယ်ယာဦးစီးဌာနအဖြစ် သီးခြားဖွဲ့စည်းခဲ့ပါသည်။
(ခ) ဌာနဖွဲ့စည်းပုံ
ညွှန်ကြားရေးမှူးချုပ်ကဌာနအားဦးဆောင်ဦးရွက်ပြုပြီးဒုတိယညွှန်ကြားရေးမှူးချုပ် (၂) ဦး၊ ညွှန်ကြားရေးမှူး (၁၉) ဦးအပါအဝင် အရာထမ်း (၅၀၁) ဦးနှင့် အမှုထမ်း (၁၁၃၉၁) ဦး၊ စုစုပေါင်းဝန်ထမ်း (၁၁၈၉၂) ဦးဖြင့် ဖွဲ့စည်းထားရှိပြီးလက်ရှိခန့်ထားအင်အားအရာထမ်း (၃၄၈) ဦး၊ အမှုထမ်း (၅၄၆၀) ဦးဖြင့် ဌာနတာဝန်များဆောင်ရွက်လျက်ရှိပါသည်။(၂၀၂၀ပြည့် နှစ်၊ ဇူလိုင်လကုန်ထိ)
ဌာနလက်အောက်ခံအဖွဲ့အစည်းများနှင့် ဌာနဖွဲ့စည်းပုံဇယားမှာအောက်ပါအတိုင်းဖြစ် ပါသည်။
၁။ ရုံးချုပ် ၁ ရုံး
၂။ ပြည်နယ်/တိုင်းဒေသကြီးဦးစီးဌာနမှူးရုံး ၁၅ ရုံး
၃။ ခရိုင်ဦးစီးဌာနမှူးရုံး ၃၅ ရုံး
၄။ စက်မှုလယ်ယာစခန်း ၉၉ စခန်း
၅။ စက်မှုလယ်ယာစခန်း(ဆွယ်) ၁၈ ခု
၆။ စက်မှုလယ်ယာသင်တန်းကျောင်း ၃ ကျောင်း
၇။ လယ်ယာသုံးစက်ကိရိယာစက်ရုံ ၁ ရုံ
၈။ လယ်ယာသုံးစက်ကိရိယာသုတေသနအလုပ်ရုံ ၂ ရုံ
၉။ ကုန်းမြင့်လယ်ယာမြေဖော်ထုတ်ရေးစီမံကိန်းရုံး ၄ ရုံး
၁၀။ ပင်မပစ္စည်းသိုလှောင်ရုံ ၂ ရုံ
၁၁။ ပင်မ/အလတ်စားစက်ပြင်အလုပ်ရုံ ၁၀ ရုံ
၁၂။ စနစ်ကျလယ်ယာမြေဖော်ထုတ်ရေးအဖွဲ့ ၂ ဖွဲ့
၁၃။ လယ်ယာသုံးစက်ကိရိယာအရည်အသွေး ၁ ခု
စမ်းသပ်စစ်ဆေးရေးဌာန
၁၄။ ဌာနတွင်းစာရင်းစစ်အဖွဲ့ရုံး ၂ ရုံး
(ဂ) ဌာနရည်မှန်းချက်
စက်မှုလယ်ယာစနစ်သို့ ပြောင်းလဲကျင့်သုံးရေး
(ဃ) ဌာနမူဝါဒများ
၁။ တောင်သူလယ်သမားများ၏လိုအပ်ချက်များ၊ တွေ့ကြုံရသောအခက်အခဲများကိုသိရှိအောင်ကြိုးပမ်းဆောင်ရွက်ပြီးစက်မှုလယ်ယာဦးစီးဌာနမှ ကိုယ်စွမ်းဉာဏ်စွမ်းရှိသရွေ့ စိတ်ရင်းစေတနာမှန်ဖြင့် စေတနာထားကူညီဖြေရှင်းဆောင်ရွက်ပေးရန်။
၂။ နိုင်ငံတော်တွင် တောင်သူလယ်သမားများ၏ ယုံကြည်အားထားရာအဖွဲ့အစည်းတစ်ခုအဖြစ် ကြိုးပမ်းတည်ဆောက်ပြီးလယ်ယာကဏ္ဍဖွံ့ဖြိုးတိုးတက်ရေးအတွက် တောင်သူလယ်သမားများနှင့် တစ်သားတည်းပူးပေါင်းကာစက်မှုလယ်ယာကူးပြောင်းရေးအကောင်အထည်ဖော်ဆောင်ရွက်ရန်။
(င) ဌာနလုပ်ငန်းစဉ်များ
၁။ စက်မှုလယ်ယာလုပ်ငန်းများဖွံ့ဖြိုးတိုးတက်ရေးအတွက် ခေတ်မီအဆင့်မြင့် ပညာရေးနှင့် အသက်မွေး၀မ်းကျောင်းပညာရေးတို့တွင် အသိအမှတ်ပြုလက်မှတ်ရသင်တန်းများတည်ထောင်ဖွင့်လှစ်သင်ကြားနိုင်ရေးဆောင်ရွက်သွားမည်။
၂။ လယ်ယာသုံးစက်ကိရိယာများ၏ စံချိန်စံညွှန်းများသတ်မှတ်ဆောင်ရွက်ခြင်းလုပ်ငန်းများဖွံ့ဖြိုးတိုးတက်စေရန် အားပေးဆောင်ရွက်မည်။
၃။ စိုက်ပျိုးရေးလုပ်ငန်းတွင် အထူးသဖြင့် လုပ်ကွက်ငယ်တောင်သူလယ်သမားများအားဦးစားပေး၍ရေမြေဒေသသဘာဝနှင့်ကိုက်ညီသောလယ်ယာသုံးစက် ကိရိယာများကိုတွင်တွင်ကျယ်ကျယ်ထုတ်လုပ်သုံးစွဲနိုင်ရေးပံ့ပိုးရန်နှင့် ခေတ်မီစက်မှုလယ်ယာစနစ်သို့ အဆင့်ဆင့် တိုးတက်ဖြစ်ပေါ်လာစေရန် အားပေးကူညီမည်။
(စ) ဌာနလုပ်ငန်းတာဝန်များ
၁။ လယ်ယာဝန်ဆောင်မှုလုပ်ငန်းများဖွံ့ဖြိုးတိုးတက်လာစေရန်။
၂။ ပုဂ္ဂလိကကဏ္ဍနှင့် သမဝါယမလုပ်ငန်းများတွင် လယ်ယာဝန်ဆောင်မှုလုပ်ငန်းများတိုးတက်ထွန်းကားလာစေရေးအတွက် သက်ဆိုင်ရာပုဂ္ဂလိကအဖွဲ့အစည်းများ၊ တောင်သူများနှင့် ပေါင်းစပ်ညှိနှိုင်းဆောင်ရွက်သွားရန်။
၃။ စက်မှုလယ်ယာစနစ်ကျင့်သုံးနိုင်သောလယ်ယာမြေ၊ စိုက်ပျိုးမြေနှင့် ကုန်းမြင့် လယ်ယာမြေများတိုးတက်ပေါ်ထွန်းလာစေရန်။
၄။ လယ်ယာလုပ်ငန်းခွင်တွင် လယ်ယာသုံးစက်ကိရိယာများတိုးတက်သုံးစွဲနိုင်ရေးကူညီပံ့ပိုးဆောင်ရွက်သွားရန်။
၅။ လယ်ယာသုံးစက်ကိရိယာပြင်ဆင်ရေးအလုပ်ရုံများကိုမြို့နယ်စက်မှုလယ်ယာစခန်းများတွင် တိုးချဲ့ဖွင့်လှစ်၍တောင်သူများလက်ဝယ်ရှိလယ်ယာသုံးစက်ကိရိယာများအားစနစ်တကျပြုပြင်ပေးနိုင်ရေးနှင့်လိုအပ်သောစက်အရန်ပစ္စည်းများကိုအလွယ်တကူဝယ်ယူရရှိနိုင်ရေးအတွက်ပုဂ္ဂလိကကဏ္ဍနှင့်ပေါင်းစပ်ညှိနှိုင်းဆောင်ရွက်သွားရန်။
၆။ စက်မှုလယ်ယာအသိပညာ၊ အတတ်ပညာများလေ့ကျင့်ပညာပေးသွားရန်နှင့် စက်မှုလယ်ယာသုတေသနလုပ်ငန်းများဖွံ့ဖြိုးတိုးတက်လာစေရေးကြိုးပမ်းဆောင်ရွက်သွားရန်။
(ဆ) ဌာန Facebook Domain အမည်
https://www.facebook.com/AMDadminho
Videos
On Facebook
Find us on >