နေပြည်တော်၊ နိုဝင်ဘာ ၂၃ ရက်


 မွန်ပြည်နယ်၊ ငါးလုပ်ငန်းဦးစီးဌာနအနေဖြင့် ငါး/ပုစွန် ထုတ်လုပ်မှုနှုန်းမြင့်မားစေရေးအတွက် ဒေသအတွင်း အတန်းလိုက် တင်ဒါပိုက်ချက်များ ချထားပေးလျက်ရှိရာ  ၂၀၁၈-၂၀၁၉ ခုနှစ်၊ လုပ်ငန်း ရာသီတွင် ချောင်းဆုံမြို့နယ်အတွင်း ငါးဖမ်းဆီးသူ လုပ်ငန်းရှင်များသို့  တင်ဒါပိုက်ချက် (၂၅) ချက် အား လုပ်ကိုင်ခွင့်ပြုခဲ့သည်။

 အဆိုပါ တင်ဒါပိုက်ချက်များမှ ၂၀၁၈-၂၀၁၉ ခုနှစ်၊ လုပ်ငန်းရာသီတွင် မော်လမြိုင်ခရိုင်၊ ချောင်းဆုံမြို့နယ်ရှိ ဝဲကလိအတန်းလိုက် တင်ဒါပိုက်ချက်အမှတ် (၁) အား တင်ဒါဆွဲ ဝယ်ယူရရှိသူ ဦးမြင့်လွင်မှ (၁၁-၁၁-၂၀၁၈) ရက်နေ့၊ နေ့လည် (၁၄:၀၀) နာရီအချိန်၌ ၄င်း၏ ပိုက်ချက် (၁၂) လုံးတန်း အနက်၊ ပိုက်ချက် (၈) လုံးမြောက်တွင် တန်ဖိုးမြင့် ကသမျှင်ငါးတစ်ကောင်ကို ဖမ်းဆီးရမိ ခဲ့သည်။

  အဆိုပါ ဖမ်းဆီးရမိသော ကသမျှင်ငါးမှာ အမဖြစ်ပြီး အလျား (၆) ပေ၊ အနံ (၁.၁) ပေနှင့် အလေးချိန် (၃၅.၅) ပိဿာရှိကာ စျေးကွက်အတွင်း ရောင်းချခဲ့ရာ ဒေသပေါက်စျေး ကျပ် (၅၆၅) သိန်း ရရှိခဲ့သည်။

 ကသမျှင်ငါးဖမ်းဆီးရမိမှုအနေဖြင့် (၁၉-၂-၂၀၁၆) ရက်နေ့၌ ကျိုက်ခမီရေလယ်ဘုရား အနောက်၊ အမှတ် (၂) ဘော်ယာအနီး၊ ကမ်းခြေမှ (၃) မိုင်ခန့်အကွာတွင် အလေးချိန် (၂၁.၀၀) ပိဿာရှိ ကသမျှင်ငါးတစ်ကောင်၊ (၁-၆-၂၀၁၆) ရက်နေ့၌ ကျိုက်ခမီမြို့ ကမ်းခြေမှ (၃) မိုင်ခန့်အကွာ အမှတ် (၂) ဘောယာနှင့် အမှတ် (၃) ဘောယာအကြားတွင် အလေးချိန် (၃၆.၀၀) ပိဿာရှိ ကသမျှင် ငါးတစ်ကောင်နှင့် (၂၈-၁-၂၀၁၈) ရက်နေ့၌ ကျိုက်ခမီမြို့ ကမ်းခြေမှ (၁၀) မိုင်ခန့်အကွာ ကျောက်ဆောင်အနီးတွင် အလေးချိန် (၁၆.၅၀) ပိဿာရှိ ကသမျှင်ငါးတစ်ကောင်တို့အား ဖမ်းဆီးရမိ ခဲ့ဖူးကြောင်း သိရှိရသည်။

 

 

Videos

 

 










 
 

On Facebook

Find us on >